主頁 >週刊內容 > 港股通勝
週刊內容
A A A

【港股通勝】理文造紙(2314)( 第60期 )

2016-2-21 17:00:00

自踏入2016年港股被班基金日沽夜沽,真係乜股都死。就連理文造紙(2314.HK亦跌穿4元,不過公司就出手連日密密回購,事實上經過一輪回購後, 股價果真守住4蚊關口,近日更上番4.6 元水平添,究竟係咩原因令管理層作出回購決定呢?

睇番1月底時,同樣係內地紙業龍頭既玖龍紙業(2689.HK發出過盈警,指截至去年底中期純利降至只得3.1億元人仔,按年大跌54%。不過,魔鬼在細節,睇番若撇除10億元人仔匯兌上虧損, 其實玖紙核心盈利完全唔差,直頭係好到爆,核心盈利係大幅增加咗1.4倍至真,代表紙業已開始恢復盈利能力。

內地紙業係2014年飽受產能過剩問題困擾,令到紙價不升反跌,紙商營商環境大受打壓,不過經過國家一輪紙業整合,淘汰咗啲落後產能,產能過剩問題開始得以解決,玖紙及理文造紙更於去年11月開始調高箱板紙價格,有能力加價係代表紙業最壞時刻已經過去。其實係最差環境嘅2014年裡,理文造紙純利都只係輕微倒退咗2.25%至19億元,而2015年上半年純利已經恢復番22.7%嘅增長,達到11.2億元,下半年料隨著價格回升,估計盈利情況會更佳。而事件亦反映到理文造紙在管理質素上有幾好。

所以1月班基金死沽爛沽將個價隊穿4元時,管理層最知自己條數,如果以增長兩至三成計,市盈率得番嗰7 倍幾,點解唔回購喎。咁你會問,現價都升番上4.6元,唔通追咩?現價計落都係9倍市盈率,我反問點解唔值博呢?

相關評論

相關評論