主頁 >週刊內容 > 港股通勝
週刊內容
A A A

【港股通勝】大新銀行 (2356)( 第59期 )

2016-2-14 17:01:00

第52期曾經介紹過大新銀行(2356.HK,當時指大新銀行折讓PB好鬼抵,隨時母公司賣仔股價可以升一倍,點知賣就係賣啦,估唔到唔係賣大新銀行,今次係賣大新人壽保險。今次放售據聞買方可能多至20、30間, 當中除咗中資傳統保險公司有興趣外, 就連非金融類公司都有興趣,美資保險公司亦有意加入競爭,相當激烈。

暫時市場對大新人壽估值約10億美元,折合近78億元,出售業務自然對股價有一番刺激。睇番現時大新金融(440.HK股價42.45元計,市值只係142億元,計番現時揸住74.57%權益嘅大新銀行股份,已經值番135億元, 仲未計所佔大新人壽嗰部份。如果大新人壽最終賣盤套現78億元,即係拎番既現金等同55%現有市值,可想而知現價係幾咁大低水呢。

講到依到大家唔好以為大新金融最值錢係大新人壽,其實最值錢係大新銀行,不過王守業家族講明無3倍PB都唔會賣,即係最少出價600 億元先賣啦,以現時持有74.57%權益計,將來可以套現447億元,相信嗰餐先係主菜囉。不過今次大股東講明暫時唔會賣大新銀行住,雖然未食到隻肥雞,不過飲住頭啖湯先都無妨, 加上大新金融現時水頭充足,如果真係成功出售大新人壽,相信派特別股息機會好高,諗唔到點解唔博囉。

相關評論

相關評論