主頁 >週刊內容 > 港股通勝
週刊內容
A A A

【港股通勝】中建材(3323)( 第60期 )

2016-2-21 17:01:00

近日有隻股份反彈力度幾強,所以今期港股通勝都講吓佢,佢就係中建材(3323.HK。可能你會話唔係呀,中建材剛剛先發咗盈警指去年盈利會跌超過七成喎,你仲推介。係, 無錯中建材預計盈利會大跌七成,不過股價由52周高9.85元跌到得番3.39 元早已反映咗。現價其實等同2017年度預測市盈率5.4倍,計落唔算太差啫。

更重要係,中建材母公司同中材股份(1893.HK母公司正搞緊央企合併重組,合併後將變成一間中國水泥嘅龍頭大佬央企,水泥產能規模將會去到3億噸。重組後,中建材同中材股份係業務上就會出現重疊,預計出現合併或重組機會好大。睇番現時中建材市帳率只得0.3倍,喺國有資產不能流失嘅大前題下,如果真係要進行資產配置,咁母公司就不得不以資產價格買回中建材資產,簡單講,甚至一啲出現虧損嘅資產亦會高價售回給母公司嘅情況,相反或會獲得注入較有前景嘅業務,未來盈利前景可以唔同晒。

另一方面,中建材淨負債比率高達252%,的確較同行為高,亦因此而成為基金沽貨嘅藉口之一。一旦出現重組,財務情況可以轉變晒。其實中建材存在唔少變數,唔可以單單睇盈利大跌七成而過份悲觀,相反在博重組下,現時低殘股價反而隨時有機會大反彈,睇唔到唔博嘅理由囉。    

 

 

相關評論

相關評論