主頁 >週刊內容 > 港股通勝
週刊內容
A A A

【港股通勝】中國重汽(3808)( 第59期 )

2016-2-14 17:00:00

人民幣持續走低,相對下有利內地出口股,今期想同大家講吓隻中國重汽(3808.HK,雖然中國重汽出口業務只佔兩成,比重唔算太高, 不過隨著內地發展「一路一帶」,未來對沿路地區嘅貨運物流需求,都會大幅上升,其實前景值得睇好。睇番現價PB只係得0.33倍,似乎真係低得太離譜,現價絕對係低水。講番少少歷史先,中國重汽喺2007年11月以12.88元招股上市,以現價2.75元計, 潛水差唔多達八成。

中國重汽主要製商業車輛為主, 包括有7成業務來自重型卡車,兩成來發動機,輕卡車同載客車約佔9%。上半年純利只得2.38億元人民幣,跌咗26%。業績差主要係因為工程用車需求下跌咗,不過集團連同母公司仍然可以擴濶到市場份額,錄得2.08%增長去到18.37%。集團市場佔有率做得好,主要係多年來建立了唔錯嘅合作關係同銷售服務網絡,現時全國擁有1,718家經銷商,另外有3,278家服務站提供售後服務,在完善嘅售後服務配套下,反映集團佈局相當不錯。

以往績PE計係14.8倍,預計今年PE會升至16倍,看似唔吸引,所以今年股價亦跌咗一成,不過上半年集團出口業務其實增長咗44%,現時在70 多個地區合共有177家經銷商,相信係「一帶一路」國策發展下,未來出口可能會出現突破性增長,業績有望出現谷底反彈。

相關評論

相關評論