主頁 >名家專欄 > 知魚之樂 唐牛(逢周二)
名家專欄
A A A

【知魚之樂】一個勁sound bite夠玩好多年(唐牛)(NOV 6)

2016-12-5 18:27:09

mic

要在財經界保持曝光率,一個強勁嘅sound bite已足夠。呢方面做得好嘅大有人在,瑞銀前星級分析員、現任陸氏資產管理投資總監陸東,係我最欣賞嘅代表之一,2007港股直通車開通,陸東預言恒指可見42000點,成為不少報章頭條,雖然最後願望落空,但夠膽講已經贏咗。

陸東最近接受傳媒訪問,指深港通開通利好港交所(00388.HK),長遠有權挑戰金牛股地位。嘩,即係由現水平升多4倍?爆炸程度同話你知恒指要見十萬點一樣,淨係呢個預測,都足夠你記住陸東這個名字幾年。有番咁上下江湖地位,依然作出驚人預測,點到你唔服?不過,希望陸東不要再糾纏於熊三牛一這些已過時的東西,資金市下,很難再有長期趨勢了。

龍傑智能卡(02086.HK)中午出通告,表示大股東崔錦鈴所持40%股權獲洽購,倘交易落實,將導致控股權出現變動,消息刺激股價大升36%,但其實市值增至6.7億銀,扣除NAV後,與殼價其實差不多。雖然僅40%股權獲洽購,但大股東兩名兒子及媳婦共持有21%股權,一旦賣得成,相信他們的股權將會一併售出,總計將逾六成,屬於貨源歸邊一族。龍傑去年才由創業板轉往主板上市,一年後的今日旋即有機會賣殼,回帶睇番,公司9月時宣佈公司9月時宣佈8供1,每股供股價1.14元,集資3,850萬銀,供股最終反應熱烈,大股東持股未有因而增加,但卻成為賣盤的蛛絲馬跡。

龍傑全日平均價2.01元,可視之為首個介入價,裂口位則在1.54-1.8元,乃加注水平,能否成功入場,就要睇下市場有幾瘋狂了。

#知魚之樂 #唐牛

【只要用心,人人都可以係股神!】
https://www.facebook.com/tongcow88

相關評論

相關評論