主頁 >名家專欄 > 林作‧文 林作
名家專欄
A A A

【林作文】處之泰然(林作)(第105期)

2017-1-4 18:00:50

%e6%9e%97%e4%bd%9c

聖誕節臨近之際,令各位男士最頭痕嘅應該就為女朋友/老婆買一份合適嘅聖誕禮物。當然,前提當然係首先你要有。不過,即使你仍然係單身貴族,為媽媽家姐甚至係office中嘅女同事喺冬日添上一份心意,亦不失為一個好主意。

問題嚟啦。就算我真係想扮暖心男送份禮畀女朋友,又或者要討好暗戀咗好耐嘅女神,究竟要送乜好呢?買衫?買大咗嘅話佢哋覺得你話緊佢肥。買珠寶?係幾好嘅但係你開壞咗個頭呀師兄。以後買唔返同等嘅嘢人哋就覺得你變孤寒咗。手袋?千祈唔好!十萬個女人有十萬種taste,由尤其係依家LV、Gucci喺市面上泛濫已經變到好俗氣,你都係等你BB睇啱先再去碌卡。性感內衣褲?Well,男人梗係鍾意,但係相對上保守嘅香港女性可能會認為搞cheap咗佢哋而畀紅牌你。再者,一個唔好彩搞錯咗送咗畀姨媽呀姨之流嘅話你都可以準備去北韓勞改。

咁一個聰明嘅男士應該點做?依家呢個世代乜都講要customised,獨一無二或者DIY。有心思啲嘢,親手整蛋糕或者上網學下點樣整彩虹玫瑰,保證你女神或者女伴冧爆。厭麻煩嘅,上網訂做有名字刻係上面嘅首飾或者裝飾,亦不失為一個好嘅選擇。如果送畀女同事嘅話,一張得體嘅gift card加上幾行有心思嘅字句(可能係關於某啲曾經發生喺你哋之間嘅有趣事情)絕對可以顯出你嘅taste而唔會感覺突兀,隨時係一段感情萌芽嘅契機。至於屋企人,應該要比較著重係實用性方面,例如話係郵輪或者海洋公園之類嘅套票,平啲嘅話可以選擇酒店嘅自助餐,請屋企人大刷一餐。

老實講,好多收咗嘅禮物其實幾個月後你就會完全唔記得咗佢嘅存在,尤其係呢啲holiday gift。為環保為實際都好,要送嘢畀啲你care嘅人其實最緊要嘅都係搵啲可以fit in to佢生活嘅物件。BTW,如果有啲幸運嘅男士同時有一位以上嘅女伴嘅話,畀你哋一個warm reminder— 記得買同一款嘅禮物送畀你嘅女伴們,否則他日一時記錯嘅話下一個高登賤男隨時係你。

Good Luck and Happy Holidays!

相關評論

相關評論