主頁 >名家專欄 > 林作‧文 林作
名家專欄
A A A

【林作文】入讀外國大學 最重要的是……(林作)(第103期)

2016-12-21 18:00:07

%e6%9e%97%e4%bd%9c

最近睇到一篇報導,內容大概係講香港學生報讀牛津劍橋大學的取錄比率,較大學的總平均取錄比率要低5至6個百分比。老實講,我絕不意外,而且這也絕對不是什麼新鮮話題。

香港的教育制度,一向都比較注重成績,只要攞到幾個A或者5星星就一定前途無可限量。學習的方法也主要是不停的重複練習(尤其是理科方面),practice makes perfect嘛,練得夠多past paper考試就一定高分。

事實上,呢個「求學即是求分數」嘅idea好大可能就係港生報讀牛津劍橋折戟沉沙嘅主因。英國嘅高中生活以及教育,其實遠較香港同樣嘅課程輕鬆容易。從小到大,他們教育主要的目標是inspire學生對各科目的熱情。或許在學識上英國的中學生會稍遜與同年紀的香港學生,但他們絕對會比我們更熱愛學習過程。

成績好,只是入讀牛津劍橋的入場券。更重要的,是面試中學生的表現。老實講,牛津劍橋咁多間college,間間面試嘅style都唔一樣,但最主要的,係想考驗學生嘅轉數同應變能力,以及對報讀科學嘅熱愛程度。

面試中,主考官通常會問一些超越學生水平,甚至是與學科無關的問題。目的,係想睇下學生如何發揮創意用唔同嘅角度去解決難題。過程中,考官會不停畀提示引導學生去解題。香港學生,好多時見到一啲自己唔識嘅題目心裡面已經慌咗一截,加上佢哋嘅思維已經畀香港嘅教育制度操練到變得僵化,試問仲點去冷靜咁領悟考官嘅提示同埋解題呢?

其次,考官會好睇重學生對報讀學科有幾熱情。我講嘅唔係話你係份personal statement上面寫你做過乜乜乜或者比賽攞過乜獎就得,而係考官會通過對話同埋問題對答去真正認識學生。對個subject有幾熱衷,講真,係呃唔到啲讀咗個科幾十年嘅professor。香港學生,已經被操練到對學科毫無熱情,又點會能夠impress到啲教授呢?

可笑嘅係,坊間仲有唔少人認為係因為外界對DSE制度不甚了解,只睇A-level或者IB成績,導致港生難以進入牛津劍橋嘅主因。都係個句,外國大學interview先係最重要。與其去「賴」人哋對你不甚了解,倒不如好好認清自己嘅問題,從而去改善咁樣嘅情況。

相關評論

相關評論