主頁 >名家專欄 > 最寂寞的無敵 孫柏文
名家專欄
A A A

【最寂寞的無敵】外匯市場最大(冇人講)的黑天鵝(孫柏文)(第105期)

2017-1-2 14:00:33

%e5%ad%ab%e6%9f%8f%e6%96%87

大家如果係忠實fan屎,可能知道孫柏文除咗正職做財演之外,公餘時間,會喺我有份搞嘅「獅子山學會」做公共政策研究同建議。所以,我對全球各地、型型式式嘅政策,都好有興趣。

不過,喺眾多政策類別當中,有一項雖然喺全球各地都舉足輕重、影響深遠,不過我確實少睇。係乜?就係稅,特別係稅制。

點解咁少睇?首先,香港不但係個低稅港,更重要嘅係香港稅制非常簡單。喺唐英年卸任,曾俊華做財政司司長後,政府更加唔鍾意用稅制去「鼓勵」某啲行為(除咗瘋狂加煙稅外)。即係呢十年來,政府都冇乜改過、用過稅制去做嘢,冇乜好特別研究。

不過如果冇研究,點解今日要提呢?原因係美國特朗普當選,佢嘅共和黨控制國會,大家都知會有好多政策將會翻天覆地。而其中一個啱啱放風想推嘅政策,就係一個新嘅稅制建議,亦可以一嘢迫到人民幣對港元一對一嘅政策。

冇錯,真係一嘢隊冧人民幣。

咩稅?全名叫做Destination-Based Cash Flow Tax,花名則叫Border Tax。不過呢啲全部都係政治化妝,呢個稅實質係個美國本土銷售稅。

特朗普係個商人,有好多商家佬朋友。傾起計時,一定講佢哋公司有乜舉動。其中,我相信特朗普多年來都會聽到佢啲朋友,將廠房外移,離開美國。而特朗普呢個堅信美國工人好得兼抵請嘅人,多年來都會聽到啲廠家將工廠外移嘅理由,唔係因啲工人唔掂,而係美國本身個稅制有份造成。

如果美國開廠,賣嘢去例如日本,要交足所有美國稅項。不過如果例如英國或大陸開廠,造嘢賣去日本,則英國同中國政府會退稅。

如果美國開廠,賣嘢去例如英國,要交足所有英國及美國嘅稅項。不過如果例如英國開廠,造嘢賣去當地,則只畀英國嘅稅。

最後,如果美國開廠,賣嘢去當地,要交足所有美國稅項。不過如果英國開廠,造嘢賣去美國,則英國同中國政府會退稅。

特朗普一定覺得,咁搞,冇人會喺美國開廠,因為外國啲稅制一定揼死美國啲廠。所以,如果開徵銷售稅,同時間推出口退稅,你喺邊到造嘢,賣去美國都要畀美國稅,冇得外移工業去避。而如果美製外售,則唔使交美國稅。基本上同所有有銷售稅嘅國家(即差不多全球)睇齊,結束美國on99嘅企業稅制。

講到呢到,聽落好似一個幾合邏輯嘅稅制改革。咁同今日條題「外匯市場最大(冇人講)的黑天鵝」又有乜關係呢?

因為美國企業稅率高,一但落實呢個「邊到做,賣美都要交美國稅」制的話,根據德意志銀行預測,大陸製出品就即時貴兩成。出口仲唔即縮?啲廠仲唔起勢咁執?美元大升,人民幣及其他國家例如日圓仲唔仆直?

我建議大家,未做拋售日圓、人民幣倉嘅朋友,真係要做啲。因為市場未講,匯率完全未反映。快快快一注獨贏買美元!

 

相關評論

相關評論